GURE GUNEAK
- La Segoviana haurrentzako gunea (Parakou)
Haurtzaindegia, jolastokia, Haur hezkuntza eta Lehen hezkuntza...
- Abaroa informatika gunea (Parakou)
Formakuntza, Interneta eta bestelako zerbitzuak...
- Artetxe formazio aretoa (Parakou)
Formakuntza, gaitasunen indartzea...
- Léonard Goragui gunea (Sirarou)
Ile-apainketa, joskigintza eta oihalgintza, alfabetizazioa, hezkuntza agropastorala...
- Wenokpakeru gunea(Wenou)
Joskigintzako formakuntza, liburutegia eta futbol zelaia...
- Pierre Yérima gunea (Kandi)
Eskola eta barnetegia (Bigarren hezkuntza), jolastokia...
- Osasun eta gizarte gunea (Banikoara)
Medizina orokorra, pediatria eta botika (eraikitze lanetan)...
- Egoitza nagusia(Parakou eta Kandi)
Guneetako jardueren koordinazioa eta mikrokredituen, apadrinamentuen eta alfabetizazioaren gidaritza...
|
EZAGUTU BENIN GURE HERRIALDEA
|
|
|
Afrikaren mendebaldean dagoen herrialdea da Benin. Iparraldean Niger eta Burkina Faso ditu; ekialdean
Nigeria; mendebaldean Togo; eta hegoaldean ozeano atlantikoa.
BENINEN INGURUKO INFORMAZIOA
- Izen osoa : Benineko errepublika
- Biztanleria : 9.200.000 (2010)
- Azalera : 115.762 km2
- Biztanleriaren dentsitatea : 79,3 bizt/ km2
- Hiriburu politikoa : Porto Novo
- Hiriburu ekonomikoa : Cotonou
- Hizkuntza nagusiak : frantsesa (ofiziala), Fon, Gun, Yoruba, Bariba, Dendi
- Erlijio nagusiak : erlijio tradizionalak (budua), kristautasuna, Islama
- Moneta unitatea : CFA frankoa (Euro bat = 655,96 CFA)
- Jaiotzean izaten den bizi esperantza : 62,3 urte (PNUD, 2010)
- Haurren hiltze tasa (5 urtetik beherakoak): 115 hildako bizirik jaiotzen diren 1.000ko.
- Alfabetizazio tasa : % 64 (gizonak), % 42 (emakumeak)
- Lehen hezkuntzako eskolaratze datuak : % 60,2 (emakumeak) % 81,8 (gizonak).
- Giza Garapen Indizea : 167. herrialdea 187tik (2011)
- Esportazio nagusiak : kotoia, olio-palmondoa
- Nazio Errenta Gordina biztanleko: US $780 (2010)
- Politika: demokrazia, erregimen presidentziala. Thomas Boni Yayi 2006an aukeratu
zuen herriak eta 2011n bere agintaldi berretsi zuen. Azken agintaldia du (5 urtekoa).
BENINEKO MAPA ETA GURE FUNDAZIOAREN LANAK BERTAN
Herrialdeen diru-sarreren inguruan Munduko Bankuak duen zerrendaren arabera, Benin diru-sarrera
xumeenak dituztenen artean dago. Azken urtetan herrialdeak hazkunde ekonomiko apala izan du; 2010ean % 3koa,
hain zuzen ere. Nahiz eta Afrikako kotoi ekoizlerik handienetarikoa izan, Benin munduko herrialderik txiroenen
artean dago.
Giza Garapenaren Indizearen 2011ko txostenean, gure herrialdea 167. postuan dago 187
herrialdeko zerrendan. 2010ean, Nazio Errenta Gordina biztanleko 780 $koa zen.
Ekonomia biziraupenarekin oso lotua dago: eguraldiaren gorabeheren menpe dagoen oinarrizko nekazaritza
da nagusia. Herrialdearen garapen ekonomiko apalaren arrazoietako bat sektore gehienetan dagoen lehiakortasun
falta eta kanpo eraginekiko menpekotasun handia da, batez ere, Nigeriako egoera ekonomikoarekiko eta
petrolioaren eta kotoiaren prezioen gorabeherekiko.
Benineko alfabetizazio maila % 42koa zen 2010ean. Emakume eta gizon gazteen arteko (15 eta 24 urte bitartekoak)
aldea alfabetizazioari dagokionez nabarmena da: % 64 mutilen kasuan eta % 42 neskenean. Lehen hezkuntzako
eskolaratze datuen arabera (2005-2010) nesken kasua % 60,2koa zen eta mutilen kasua %81,8koa. Bigarren
hezkuntzaren ondoko aldiari dagokionez, emakumeen kasuan % 19,8koa da portzentajea (2005-2010).
Egoera hau
oztopo garbia da emakumearentzat lan munduan sartzeko, baita ondorioz gizonarekiko menpekotasun ekonomikotik
ateratzeko, emakumeen bazterkeriaren muinetik, hain zuzen ere.
Sexuen arteko desberdintasun hauek nabarmenak dira Beninen. Benineko emakumeak bazterkeria handi baten
biktima dira, batez ere landa gunetan. Horren arrazoietako bat eskolaratu ez izana da kasu askotan. Ondorioz,
ez dute eskura ordaindutako lanetan jarduteko aukera, baliabideen ustiapenen inguruko erabakigunetan jarduteko
aukera edota autonomia eta jabetzea bera. Egun, familia batzuetan, mutilek bakarrik jasotzen dute eskolako
hezkuntza etorkizunean familia aurrera ateratzeko aukera gehiago izan dezaten. Neska gazteek etxean geratu
behar dute amari etxeko lanetan laguntzeko eta etxea ongi zaintzen ikasteko. Hala, mugatuta dituzte
hausnartzeko eta ekiteko gaitasunak, eta ondorioz, ez dakizkite beren berezko eskubide eta betebeharrak
zein diren.
Afrikako herrialde demokratikoen artean Benin egonkorrenetakoa da. Yayi Boni presidentea 2011n berriz
izan zen aukeratua bere bigarren eta azken agintadia egin zezan. Herrialdean alderdi politiko berri asko
ari dira sortzen eta gizarte zibil indartsua eratzen ari da. Herrietako buruzagitza oro har agintari
tradizionalek eta herrietako ordezkariek dute, eskualdeko administrazioaren ardura ordea alkateek eta
beren laguntzaileek dute, bai eta barrutietako nagusiek.
|
